Mali i Zi mbyll kufirin me Shqipërinë

Mali i Zi ka vendosur mbylljen totale të dy pikave doganore me Shqipërinë për shkak të Koronavirusit. Pika e kalimit në Muriqan dhe në Vermosh janë mbyllur që sot në orën 21:00. Policia thekson se kalimi do të bëhet vetëm në Hanin e Hotit.

“Policia Kufitare njofton të gjithë qytetarët që duan të kalojnë në drejtim të Malit të Zi, se sipas njoftimit të palës malazeze, duke filluar nga ky moment (ora 21:00 e datës, 13.03.2020) deri në një urdhër të dytë, do të bllokohet lëvizja e shtetasve dhe mjeteve që duan të hyjnë apo të dalin nëpërmjet Pikave të Kalimit Kufitar në Muriqan dhe Vermosh, për arsye të COVID-19. Kurse në PKK Hani i Hotit do të vazhdojë lëvizja, si në hyrje dhe në dalje, si për shtetasit edhe për mjetet. Policia Kufitare kërkon mirëkuptimin e qytetarëve që të anullojnë lëvizjet e planifikuara dhe ata që ndodhen duke lëvizur në drejtim të këtyre pikave të kthehen mbrapa, pasi nuk do lejohen të kalojnë”,- thuhet në njoftimin e Policisë së Shtetit.

Policia Kufitare u kërkon qytetarëve që të anulojnë lëvizjet e planifikuara dhe ata që ndodhen duke lëvizur në drejtim të këtyre pikave të kthehen mbrapa, pasi nuk do lejohen të kalojnë.

Lexoni edhe…

Arrin në 33 numri i të prekurve me koronavirus në Shqipëri, qindra të testuar

Paralajmërimi/Do ndëshkohen tregëtarët dhe farmacitë nëse abuzojnë me çmimet

Rama: Numri i të prekurve nga koronavirusi do të rritet. Masat do të përshkallëzohen

Mos dilni nga shtëpitë! Coronavirusi pret te dera!

Kryeministri: Rrugët do të mbyllen edhe pas të dielës