Mat, humb kontrollin e makinës, shoferja aksidenton 9-vjeçarin

Aktualitet E Premte, 7 Maj 2021 15:21

Një fëmijë 9 vjeç është aksidentuar rëndë nga një automjet që drejtohej nga një vajzë 21-vjeçare.

Sipas policisë ngjarja ka ndodhur në Mat, ku drejtuesja e mjetit Blerina Rami nga Burreli ka humbur kontrollin e mjetit dhe ka dalë nga rruga duke aksidentuar fëmijën me iniciale N.K, 9 vjeç.

Policia sqaron se: “Në pranga u vu Blerina Rami pasi kjo shtetase, në një segment rrugor në periferi të qytetit Burrel, duke drejtuar automjetin tip “Mercedez Benz”, ka humbur kontrollin mbi automjet duke aksidentuar fëmijën me iniciale N.K, 9 vjeç, i cili ndodhet për ndihmë më të specializuar në spitalin e traumës Tiranë, në gjendje të rëndë.”