Mitsotakis viziton kryepeshkopin Janullatos, gjendja është kritike

Gjendja shëndetësore e Kryepeshkopit të Shqipërisë, Anastas Janullatos është kritike. Në orët e fundit ka shfaqur shenja përkeqësimi.

Kryeministri grek, Kyriakos Mitsotakis vizitoi spitalin “Evangelismos”, ku ndodhet i shtruar kryepeshkopi. Mitsotakis thuhet se u informua për gjendjen e tij shëndetësore nga profesoresha e pulmonologjisë dhe kujdesit intensiv, Anastasia Kotanidou.

Ai ishte shtruar në një spital në Tiranë për shkak të një infeksioni viral që e kishte prekur që prej datës 30 dhjetor. Shëndeti i tij u përkeqësua dhe më 3 janar u bë e nevojshme të transferohej në Athinë.