‘Mos ma rrit çmimin e gështenjave, se…’, arrestohet kërcënuesi nga Tropoja

Një 44-vjeçar nga Kërnaja e Tropojës ka përfunduar në pranga për shkak të gështenjave. A.K. 44 vjeç, ka kërcënuar një biznesmen që të mos rrisë çmimin e gështenjave.

Policia e Tiranës e ka arrestuar për veprat penale “Konkurenca e paligjshme nëpërmjet dhunës” dhe “Kanosje” . A.K. për shkak të konkurencës, ka ushtruar dhunë dhe i është kanosur, 31-vjeçarit R.P. banues në Tiranë, përfaqësues i një firme, që të mos rriste çmimin e gështenjave.