“Na jep 20 mijë euro ose …”, babë e bir bien në pranga në Krujë (Emrat)

Babë e bir janë vënë në prangat e Policisë së Krujës në operacionin e koduar ”Shtrëngimi”. Këta të dy i kishin kërkuar shuma të mëdha parash me anë të mesazheve në telefon, një personi.

Oficerët e Krimeve në Policinë e Krujës, në bashkëpunim me Prokurorinë për Krimet e Rënda Tiranë kanë prangosur Agim Çangu 46 vjeç dhe Gentian Çangu 19 vjeç, të dy banues në Nikel, Krujë, babë e bir.

Këta dt persona nëpërmjet mesazheve telefonike, i kërkonin shuma të mëdha parash (20000 €) shtetasit H. L., 64 vjeç, banues në Fushë-Krujë.

Shërbimet e Policisë pas një punë të mirëfilltë hetimore kanë bërë të mundur dokumentimin e plotë ligjor për këtë ngjarje.  Në datën 02 nëntor 2017 nëpërmjet mesazheve telefonike i kanë kërkuar shuma atë mëdha parash shtetasit H. L., Janë gjetur dhe sekuestruar në cilësisnë e provave materiale: 4 aparate celularë, 12 karta SIM të kompanive të ndryshme telefonike dhe një armë gjahu (teke), kalibri 12 mm dhe një gëzhojë arme gjahu, me kapsollë të goditur.

Pas arrestimit, dosja i ka kaluar Prokurorisë së Krimeve të Rënda Tiranë për veprime të mëtejshme për veprat penale ‘shtrëngimi me anë të kanosjes apo dhunës për dhënien e pasurisë’ dhe ‘Prodhimi dhe mbajtja pa leje e armëve të gjuetisë dhe sportive në bashkëpunim’.