Në Shqipëri, jashtë kontrollit 10 xhami

Shqipëria e njohur për tolerancë e që njokohësisht ngjall pasiguri e dhënë edhe nga agjentët e huaj. Në vendin tonë janë plotë 850 xhami të ndërtuara e ku gati 10 prej tyre nuk janë vendosur ende nën juridiksionin e Komunitetit Mysliman.

Xhami në Unazë të Re, e njohur si problematike i shtohen edhe xhamitë në Zall Herr, xhamia në një fshat të Librazhdit, në Leshnicë të Pogradecit, në Rrashbull të Durrësit, një xhami në zonën e Shkodrës dhe xhamia e Cërrikut.

Burimet pohojnë se komuniteti mysliman po negocion prej muajsh për ta vendosur nën kontroll, ndërkohë që pak muaj më parë vendosi nën juridiksion edhe xhamine e Mëzezit, që më herët ishte në listen e xhamive problematike, përsa kohë ish imami i saj Bujar Hysa u arrestua për çështje terrorizmi.

Komuniteti mysliman nuk ka folur ende për xhamitë që janë jashtë kontrollit ose thënë ndryshe xhamitë tek të cilat imamët janë të vetëshpallur.

E vetmja deklaratë zyrtare për këtë çështje ishte një vit më parë nga kreu i Komitetit të Kulteve në ate kohë, Ilir Dizdari. Pas një raporti të shërbimit informativ që përmendte se në vendin tonë janë jashtë kontrollit 80 xhami, Dizdari bëri këtë deklaratë një vit më parë: “Thanë mbi 80 xhami, mbi çfarë bazash e kriteresh u referohen, e kanë fjalën që jane objekte pa leje, se ne deri tani kemi 200 xhami që janë të mbyllura ashtu siç ka edhe objekte të kulteve të tjera”, ka thënë më 16 dhjetor të 2015, Ilir Dizdari për Top Channel.

Komuniteti Mysliman ashtu edhe institucionet shtetërore nuk japin të dhëna zyrtare se çfarë është bërë me këto xhami, që janë raportuar si të pakontrolluara.