“Njeriu pa kombin është asgjë, e kombi pa brezat e ardhshëm shuhet”, Presidenti Meta citon Hasan Prishtinën

Presidenti Ilir Meta përcjell një mesazh në përkujtim të 88-vjetorit të vrasjes së Hasan Prishtinës.

“Njeriu pa kombin është asgjë, e kombi pa brezat e ardhshëm shuhet”.
I vrarë pabesisht 88 vite më parë, kjo thënie e kolosit të politikës dhe çështjes shqiptare, patriotit të paharruar Hasan Prishtina, është më aktuale se kurrë.
Sot kur Shqipëria vuan plagën e madhe të shpopullimit është detyra jonë t’i kthejmë rinisë shpresën dhe besimin për ndërtimin e së ardhmes së sigurt europiane në Atdhe,”- shkruan Presidenti Meta në mesazhin e tij në Facebook.