Nuset nuk harrojnë, vota e shenjtë si martesa (FOTO)

Kjo e dielë i ka gjetur shqiptarët me gëzimin e festës së Bajramit të Madh dhe me obligimin për të votuar. Por në këto ditë të nxehta, dasmat nuk mungojnë por kur të bie të martohesh ditën e zgjedheve, është rast i rrallë.

Me interes të lartë është parë edhe rasti i dy nuseve në Qarkun e Fierit. Rasti i parë është regjistruar në shkollën “Jakov Xoxa” në Fier, gjatë orëve të paradites dhe vetëm pak orë më vonë në qytetin e Lushnjes një çift është paraqitur në të njëjtën qendër votimi për të votuar.

Me votën në kutinë e votimit dhe me firmë në certifikatën e martesës këto dy nuse padyshim që sot kanë bërë dy nga zgjedhjet më të rëndësishme të së ardhmes së tyre.