Operacion blic për kapjen e Balilit, 7 të shoqëruar, mbahet në polici djali i tij

Në një kohë kur Presidenti z.Nishani, do të mbledh në ditët në vijim Këshillin Kombëtar të Sigurisë për mosarrestimin e Balilit, në përgjigje të kërkesës së kryetarit të Kuvendit, z.Meta, bëhet me dije se policia e shtetit ka shoqëron 7 pjesëtarë të familjes së Balilit.

Shtatë pjesëtarë të familjes së Klement Balilit, mes tyre, djali i tij, vëllezërit dhe nipat e tij janë  shoqëruar nga policia e shtetit në ambientet e policisë së Gjirokastrës në orët e para të mëngjesit të sotëm.

Familjarët e quajnë presion ndërsa në Gjirokastër mësohet se ka mbërritur Drejtori i Përgjithshëm i Policisë Adrian Çipa.

Balili i shpallur në kërkim ndërkombëtar pasi akuzohet nga drejtësia greke si drejtuesi i një organizate të fuqishme të narkotrafik e cila vepronte në disa vende të Europës.