Operacioni i SPAK, Sali Berisha: U paguan qese me para që Ndoka të arratisej nga Shqipëria

Sali Berisha, nga ballkoni i banesës, ka komentuar përpara mbështetësve të tij operacionin e SPAK. Berisha tha se janë paguar qese me para që të njoftohej Arben Ndoka dhe të arratisej nga Shqipëria.

”Të dashur miq, Altin Dumani, kreu i organizatës kriminale që quhet Skrap, do të hyjë në Gines si sharlatani më i madh në luftën kundër krimit. Ky kriminel pasi u mor dhe shiti të dhënat, dëshmitë e kushëririt të tij serial killer, dje bëri bllofin e radhës. Deklaroi se ka prerë 50 urdhër-arreste. 

Asnjë i arrestuar në 50 urdhra të lëshuar. Ky është operacioni i turpshëm i Taulant Ballës dhe Altin Krimit. E kam ndjekur me shumë vëmendje, isha i sigurt se Altin Dumani do merrte qesen e parave dhe do njoftonte Arben Ndokën t’ia mbathte nga Shqipëria. Arben Ndoka sot është në Dubai, kurse Altin Dumani është në turpin e tij në zyrën e shtetit”,-tha Berisha.