Për shoferët: Të gjitha rrugët e bllokuara nga ujrat dhe dherat

Ora 11: 30 ka bllokime aksesh nga uji por dhe rrëshqitje të dherave. Drejtuesve të mjeteve u bëhet apel të bëjnë kujdes ne qarkullim, sidomos ne akset ku ka prani te materialeve ne rruge.

Tiranë- I bllokuar nënkalimi tek City Park

Ka rreshje te dendura ne te gjithe qarkun. Në segmentin rrugor  Tiranë – Durres, në rrugën që shkon për  tek nënkalimi i City Park, rruga është e bllokuar pasi ka një cedim ( ulje  te madhe). Janë marrë masat me plotësim sinjalistike. Po punohet nga firma kontraktore per normalizimin e situates.

Deri tani Superstrada Tirane – Durres nuk ka probleme per qarkullimin.

Ne segmentin rrugor Lanabregas – Uzina Traktori, ka prani te ujit ne rruge. Firma po punon per zhbllokimin e tombinos me mjete dhe punetore, si dhe po ben mbushjen e pjeses se poshtme te saj me materiale Nuk ka problem per qarkullimin ne kete segment.

Durrës- Në zonën e Shkëmbit te Kavajes, ka prani te ujit ne rruge. Kontraktori po punon me mjete dhe forca per largimin e ujit me ane te pompave.
Grumbullim aluvionesh ka edhe tek rruga e Spillese, por po pastrohen nga kontraktori.

Ne te gjitha akset e tjera  qarkullohet normalisht.

Vlorë- Ne aksin Qafa e Dushkut – Kuç, eshte demtuar Ura qe lidh Lepenicen me Brataj, nga prurjet e lumit. Kalimi eshte devijuar deri ne ndertimin e nje ure te re.

Kukës- Ka rreshje shiu ne te gjithe qarkun. Ne disa  nga akset e këtij Qarku ka prani të materialeve në rruge. Firmat kontraktore po punojne me mjete dhe fuqi punëtore për pastrimin e akseve.

Në aksin Kukes – Qafe Shllak, ku ka patur nje shëmbje te rruges, kalimi  kryhet  vetem për mjetet e vogla dhe furgonat.  Firma kontraktore po punon per mbajtjen nen kontroll  te situates. Situata e pandryshuar prej disa ditesh.

Ne aksin Krume – Qafe Prush, ne Vlane, ka nje shembje ne gjatesi rreth 50 ml, rruga eshte 1 kalimshme. Pjesa tjeter e aksit nuk ka probleme per qarkullimin. Situata e pandryshuar prej disa ditesh.

Dibër – Ka rreshje shiu ne te gjithe qarkun. Në disa  akse  të ketij Qarku ka prani te materialeve  dhe uji ne rrugë, por pa problem per qarkullimin e mjeteve. Firmat kontraktore po punojnë me mjete dhe fuqi punëtore të shtuar për pastrimin e akseve.

Aksin K. Hadroj – Qafe Bene, eshte hapur me dy kalime ne te gjithe gjatesine e tij. Megjithate here pas here ka renie guresh e dherash nga rreshjet. Firma kontraktore po ben pastrimin e aksit. Situata tek Tuneli i Gjegjanit  eshte normalizuar dhe rruga eshte e hapur. Po punohet nga kontraktori për pastrimin e saj nga dherat .

Ne aksin Skuraj – Burrel, ka demtime te shpatullave te ures ne hyrje te Klosit, nga prurjet e lumit.

 Shkodër- Ne disa akse te ketij Qarku ka probleme, sic  jane: Shkoder – Qafë Qele, ku ka shembje të trupit te rruges.

Te  Harku i Berdices, situata eshte normalizuar, qarkullimi kryhet normalisht. Ne te gjitha akset po punohet me forca dhe mjete per  pastrimin e akseve.  Qarkullimi eshte normal.

Ne akset Puke – Fushe Arrez, Fushe Arrez – Qafe Mali – Qafe Shllak, ka patur renie guresh e dherash ne rruge. Kontraktoret e akseve po punojne per pastrimin e akseve. Qarkullimi eshte normal ne keto akse.

Edhe ne aksin Qafe Mali – Fierze, ka patur renie guresh e dherash, te cilat po pastrohen nga kontraktori. Ne kete aks kontraktori ka bere pastrimin e kunetave, tombinove dhe kanaleve anesore te rruges.

Renie guresh e dherash ka patur edhe ne akset Qafe Laç – Koman dhe Hani i Hotit – Tamare, si pasoje e rreshjeve te nates se kaluar. Kontraktoret kane bere pastrimin e akseve dhe qarkullimi eshte normal ne keto akse.

Ne aksin B. Curri – Valbone, prurjet e shumta kanë gërryer nje pjesë te rrugës.  Ne vend  ka prani te mjeteve dhe fuqi punetore te shtuar te kontraktorit, te cilet bejne pastrimin e aksit nga renia e here pas hershme e gureve dhe dherave.  Eshte vendosur sinjalistika perkatese qe tregon ngushtimin e seksionit te rruges. Ne keto momente rruga eshte hapur me nje kalim.

Ne akset e Tropojes ka patur renie guresh dhe dherash ne rruge, qe po pastrohen nga kontraktoret.

/Oranews.tv/