Përmbarimi në Durrës tenton t’i nxjerrë nga banesa, 4 familje: Kemi dokumentet e pronësisë

Zyra Përmbarimore në Durrës me urdhër ekzekutiv nga ana e Gjykatës së Shkallës së parë tentoi të nxjerrë nga banesa katër familje të vëllezërve Ballshi.

Mesditën e sotme, përmbarimorët kanë shkuar në banesat e vëllezërve Ballshi në rrugën “Çajupi” në lagjen nr. katër për të nxjerrë familjet jashtë banesës.

Në mbështetje të përmbarueseve kanë qenë dhe efektivët e policisë. Pas më shumë se një ore, konflikt midis familjarëve dhe përmbaruesve që mbështeteshin nga policia, përmbaruesit u larguan, pa bërë dot urdhër ekzekutimin.

Petrit Ballshi njëri prej vëllezërve deklaroi se ata janë pronarë të ligjshëm të banesës së blerë prej tyre në vitin 1951 me vendim të ish-kuvendit popullor të asaj kohe. Ish kuvendi popullor ua shiti banesat dhe ju akordoi edhe fondet për ndërtimin e banesës në formën e kredive, të cilat i shlyen për vite me radhë. Ata disponojnë edhe dokumentacionin përkatës. Sipas Petrit Ballshit, familja Fora thotë që disponon dokumentacionin përkatës, si pronar i tokës, ndërkohë që sipas vëllezërve Belshi, familja Fora ka manipuluar provat me qëllim përvetësimin e pronës së tyre.




Pas më shumë se një ore, policia dhe përmbaruesit janë larguar nga banesat e familjes Ballshi ndërsa nuk ka asnjë reagim nga ana e familjes. Familjarët thonë që pretenduesi i pronës së tyre është Thoma Fora, vjehrri i kryetarit të PD-së së Durrësit, aktualisht deputet, Oerd Bylykbashi. Çështja e ekzekutimit të vendimit është në Gjykatën e Lartë por nuk është marrë në shqyrtim edhe për faktin se në Gjykatën e Lartë mungojnë gjyqtarët të cilët kanë dhënë dorëheqjen apo iu ka mbaruar mandati.