Pika kufitare e Qafë-Thanës synohet të bëhet vetëm me një kontroll

Pika kufitare e Qafë Thanës pritet të kalojë në një sistem të ri kontrolli të përbashkët, me synim lehtësimin e trafikut dhe uljen e radhëve të gjata të pritjes që shënohen sidomos gjatë sezonit veror.

Sipas një takimi të zhvilluar me përfaqësues të autoriteteve shqiptare dhe të Maqedonisë së Veriut, është diskutuar mundësia që në këtë pikë kalimi të aplikohet kontrolli vetëm nga policia e shtetit ku hyn udhëtari, duke shmangur aktualisht sistemin me dy kontrolle të ndara.

Kjo nismë synon të përshpejtojë procedurat kufitare në një nga pikat më të ngarkuara, ku gjatë verës regjistrohen deri në rreth një milion hyrje-dalje.