“Plastika”, tërhiqet qeveria – Rishikim nivelit të taksës brenda muajit, Shalsi e Denaj: Gabuam!

Pas shumë muajsh kundërshtimesh nga ana e biznesit, qeveria duket se po tërhiqet nga vendosja e taksës s ë plastikës, e cila është pasuar me efekte negative te prodhuesit shqiptarë.  Ministrja e Financave dhe Ekonomisë, Anila Denaj dhe ministri për Mbrojtjen e Sipërmarrjes, Eduard Shalsi kanë zhvilluar një dëgjesë me grupet e interesit, ku pranuan se vendosja e taksës ishte e gabuar, ndërsa kanë premtuar se brenda muajit do të dalin me nivele të rishikuara, por pa dhënë propozime konkrete.

Ndërkaq, prodhuesit kanë parashtruar edhe një herë ndikimet që ka patur vendosja e taksës prej 35 lekë për materialet e plastikës dhe 25 lekë/kg për lëndët e  para të prodhimit të plastikës.

Ndërkaq,  ministrat shpjeguan se kjo taksë është vendosur në funksion të mbrojtjes së mjedisit, por prodhuesit e materiale të termoizlimit argumentuan se produkteve e tyre janë miqësore me mjedisin.

Për këto produkte Shalsi premtoi ndërhyrje të plotë, të cilat mund të kërkojnë edhe ndryshime ligjore.