Tensionohet situata, përplasje mes policisë dhe studentëve. Nisin shoqërimet

Përshkallëzohet protesta e studentëve në kryeqytet, ku janë regjistruar përplasje mes protestuesve dhe forcave të Policisë.

Disa prej protestuesve kanë hedhur gurë në drejtim të efektivëve, ndërsa Policia është kundërpërgjigjur për të kontrolluar situatën.

Tensionet vijnë në ditën e tretë të protestës studentore, ndërsa situata para Parlamentit dhe në zonat përreth mbetet e tensionuar.

Studentët kanë marshuar në rrugët e Tiranës për t’u grumbulluar te Ministria e Arsimit.

Sapo protestuesit mbërritën te Ministria e Arsimit, policia nisi direkt me shpërndarjen duke hedhur gaz lotsjellës.

Studentët janë shpërndarë nga rruga kryesore para Ministrisë së Arsimit.