Prezantohet kandidatja e LSI në Korçë, Braimllari: Do të krijojmë mundësi për çdo familje korçare

Në LSI Korçë është prezantuar kandidatja për deputete Brunilda Paskali, e cila renditet e treta në listë. Sipas sekretarit të Përgjithshëm të LSI-së, Endrit Braimllari i cili është edhe drejtuesi politik i LSI në këtë qark, Paskali është pjesë e ekipit fitues që sipas tij, do të krijojë mundësi për çdo familje korçare.

”Sot me strukturën e gruas në Korçë prezantuam Bruna Paskalin e cila do të jetë pjesë e ekipit tonë fitues. Ne do të punojmë çdo ditë me energji pozitive në ekip për të krijuar shanse dhe mundësi për çdo familje Korçare. Ne do të krijojmë mundësi punësimi dhe do të kthejmë shpresën në vend”,-shkruan Braimllari.