Protestë e pazakontë e PD para zyrës së Ramës: Ngushëllime për Toto Rinën! (FOTO)

Të rinjtë e Forumit Rinor të PD kanë zhvilluar sot një protestë të pazakontë para Kryeministrisë. Me disa foto të mafiozit italiane Toto Rina, i cili ndërroi jetë sot, ata kanë zhvilluar “homazhe” para godinës qeveritare.

Kreu i FRPD-së, Belind Këlliçi tha se Toto Rina ka qenë idhulli fyrmësues i Edi Ramës dhe sot është një ditë e rënë për qeverinë e Rilindjes.

“Një tragjedi e rëndë goditi sot qeverinë! I shprehim ngushëllimet më të sinqerta Edi Ramës për humbjen e idhullit të tij frymezues.  Qeveria e Edi Ramës nuk ka me asnjë dallim nga Cosa Nostra e Toto Rinës!”,- deklaroi Belind Këlliçi.