Pse po hesht Lulzim Basha?

Nga Daniel Muçaku-

Të gjithë folën për vendimin e gjykatës së Apelit Tiranë në lidhje me rikthimin e çështjes për rigjykim në shkallën e parë në Tiranë.

Foli Berisha, bëri një status Enkelejd Alibeaj dhe sulmuan krejt kori i Doktorit ndaj këtij vendimi, që siç akuzojnë nga selia blu, ishte hartuar nga zyra e kryeministrit Rama dhe firmosur nga treshja e gjyqtarëve.

Ndërkohë me këtë vendim Apeli, PD-ja zyrtare ka akoma kryetar Lulzim Bashën, pavarësisht se një çelës zyre e mban akoma Enkelejd Alibeaj.

Sipas TCH firmën për tu regjistruar PD-ja në KQZ e ka nga Lulzim Basha, ndaj pritet të shikojmë se si do të veprojë Ilirjan Celibashi i KQZ, kur ti shkojnë për regjistrim dy kërkesa; njëra nga Sali Berisha dhe tjetra nga Lulzim Basha!

Por të bën përshtypje se Basha nuk po flet, sidomos pas vendimit të Apelit, kur duhej të shprehej publikisht.