Qytetarët shpërfillin urdhrin e Ramës. Lokalet dhe ambientet publike plot me njerëz

Kryeministri Edi Rama deklaroi sot se pjesë e masave për të ndaluar përhapjen e koronavirusit është dhe mbyllja e lokaleve e bareve në gjithë Tiranën dhe Durrësin.

Vendimi i kreut të qeverisë vjen pas neglizhencës që shqiptarët po u bëjnë këshillave të mjekëve dhe specialistëve për të qëndruar të mbyllur në shtëpi, deri në kalimin e situatës së përhapjes së virusit.

Masa e marrë nga qeveria cilësohet si ndër më ekstremet, por duket se shqiptarët nuk e kanë marrë parasysh. Një vëzhgim i “Koha Jonë”  në lokalet e Tiranës tregon se bizneset e kafeneve vijojnë të jenë të hapura, njëlloj si më parë. Vetëm një pjesë e vogël e tyre kanë marrë masa për të ruajtur distancën 2-4 metra ndërmjet tavolinave. Ndërkohë që urdhri është për mbyllje totale.

Neglizhenca e qytetarëve shqiptarë duket se nuk pyet për ligjin, kryeministrin, madje as për shëndetin e tyre dhe të afërmeve.

Justifikimi se ende nuk ka ardhur urdhër me shkrim është vetëm një tjetër shenjë e papërgjegjshmërisë. Nese ka emergjence jetike edhe masat duhen “ushtarake” nga qeveria.
Në Itali të arrestojnë nëse kundërshton masat e detyruara.

Deklarata e Edi Ramës në Facebook për mbylljen e bareve

? NDJESË por duke parë shkallën e ulët të vetëdijes së shumë qytetarëve, kryesisht të rinj, që e kanë edhe më të vështirë të rrinë në një vend, DO TË DETYROHEMI TË MBYLLIM TË GJITHA RESTORANTET, BARET, KLUBET, në TIRANË dhe DURRËS fillimisht!

? KJO NUK ËSHTË KOHË PUSHIMESH dhe ARGËTIMESH JASHTË SHTËPISË, po KOHË LUFTE Dhe KJO LUFTË FITOHET VETËM DUKE KUFIZUAR LIRINË TËNDE, DUKE NDRYSHUAR RRËNJËSISHT MËNYRËN E JETESËS dhe DUKE RUAJTUR FAMILJEN TËNDE nga kontaktet e tua me jashtë!