Rama e pranon: Njerëzit janë të pakënaqur, kanë humbur durimin

Gjatë një takimi elektoral, kryeministri Edi Rama duket se e ka ndjerë pakënaqësinë e qytetarëve gjatë turit të tij nëpër Shqipëri. Gjatë një takimi me gratë socialiste, Rama ka pranuar se njerëzit janë të pakënaqur me 8 vite qeverisje dhe se kërkojnë më të mirën, por sërish ka ofruar veten si alternativë.

”Nuk duhet të biem pre e kënaqësisë për gjërat që kemi bërë. Njerëzit janë të pakënaqur, kanë humbur durimin. I mirëkuptoj dhe u them se nuk ka asnjë rrugë tjetër. Çdo rrugë tjetër është iluzion dhe mund të jetë katastrofë. Duan të rikthehen dhe janë në të drejtën e tyre. Si mund të përsëritet e njëjta gjë dhe të pritet rezultat tjetër?”-tha Rama.