Rama: Ja pse zgjodha Gent Cakajn

Kryeministri Edi Rama në takimin me ambasadorët, zbuloi arsyet pse zgjodhi Gent Cakajn për postin e ministrit të Jashtëm, në vend të Ditmir Bushatit.

”Unë nuk e kam zgjedhur Gent Cakën as si kosovar dhe as si i ri, por si një shqiptar pasionant për politikën dhe për atdheun tonë”, tha Rama.

“Ai nuk ka predikuar ndryshime kufijsh në Ballkan. Dua ta bëj të qartë se Shqipëria e mbështet dialogun dhe inkurajon marrëveshjen mes Kosovës dhe Serbisë, e cila të garantohet nga SHBA dhe BE. Të tjerat janë fukarallëk mendjesh dhe maskarallëk”, shtoi kryeministri.