Rama prezanton flotën e re të ambulancave (FOTO)

Shqipëria do të ketë një flotë të re ambulancash për emergjencat spitalore. Lajmi është publikuar nga Kryeministri Edi Rama. Në një publikim në Facebook, kreu i qeverisë ka postuar dhe fotot e mjeteve të reja, të cilat kanë të dizenjuar edhe simbolet e shqiponjës dy krenare.

“Flota e re e autoambulancave të emergjencave civile gati për t’u nisur nga Turqia drejt Shqipërisë”,– shkruan kreu i qeverisë në postimin e tij.

Dy ditë më parë, Shqipëria bleu në Turqi rreth 6 tonë pajisje mjekësore për përballimin e emergjencës së koronavirusit.

Blerja e pajisjeve në këtë situatë që po kalon gjithë botë është bërë thuajse e pamundur, për shkak se shtetet kryesore që prodhojnë këto produkte kanë nxjerrë ligje speciale që ndalojnë nxjerrjen jashtë vendit.