Reportazh me foto: Kur shqiptarja martohet me serbin dhe shkesja merr 2000 euro
Tema e martesave mes vajzave shqiptare me serbët e zonave rurale ka bërë bujë në median shqiptare dhe të huaja.
Këtë herë revista e njohur “Vice” vjen me një fotoreportazh nga një prej këtyre martesave.
Sanja Knezeviç shkruan se në fshatrat serbe mungojnë vajzat e reja, ndërsa e kundërta ndodh në Shqipëri: Në fshatra mungojnë djemtë e rinj.
Këtu hyn në punë Vera, e cila rregullon martesat mes vajzave shkodrane dhe burrave serbë. Vera merr rreth 2000 euro për shërbimin e saj.
Revista dokumenton me foto ardhjen e serbit 44-vjeçar Milovan në Shkodër për të kërkuar dorën e Evës 22-vjeçare, përcjell Mapo.al.
Pasi gjyshja e Evës thotë PO, Milovani paguan 115 dollarë te familja e saj dhe shkon për të blerë bizhuteri dhe rroba për të fejuarën.
Pas tre javësh, fermeri Milovan kthehet dhe e merr Evën për grua.
Revista dokumenton me foto mbërritjen e Milovanit, pranimin e familjes shkodrane, blerjen e mallrave, udhëtimin e Evës drejt Serbisë dhe mbërritjen e saj në shtëpinë e Milovanit ku do kalojë pjesën e mbetur të jetës.
