Reshjet e dëborës dhe ngricat në Kukës, s’ka akse rrugore të bllokuara

Në qytetin e Kukësit janë ndërprerë reshjet e dëborës, ndërsa i kanë lënë vendin akullit dhe ngricave. Për të normalizuar situatën, Bashkia ka nisur punën duke hedhur kripë.

Trashësia e dëborës në qytet arriti 8 cm, ndërkohë që në zonat e thella arrin deri 25-30 cm. Deri më tani nuk raportohet për akse rrugore te bllokuara dhe nuk ka emergjenca shëndetësore.

Rruga e Kombit është e pastër ndërsa procesi mësimor vijon ritmin e përditshëm ndërkohë që Bashkia ka marrë masa që të shtohen furnizimet me lëndë drusore në të gjitha shkollat.