Reshjet e shiut, OSHEE: 90% e dëmtimeve në zona të thella rurale

Operatori i Shpërndarjes së Energjisë Elektrike po ndjek me vëmendje situatën e krijuar nga moti i keq me reshje shiu e erë që ka përfshirë vendin tonë.

Situata energjitike si pasoje e reshjeve të dendura të shiut ka ardhur duke u përmirësuar. Sipas

OSHEE megjithë kushtet e këqija të motit, me shkarkime atmosferike dhe reshje shiu, grupet e terrenit kanë eliminuar avaritë që u shfaqën në rrjetin e shpërndarjes gjatë natës.

Sipas të dhënave të OSHEE deri 19:15, numri i fiderave me defekt është 11, ku afro 90% e linjave të dëmtuara janë në zona rurale, një pjesë ndodhen në shumë larg qendrave.

Hidrovorët dhe spitalet furnizohen normalisht me energji elektrike, përfshi edhe institucionet e rëndësisë së veçantë.

Sakaq, vijon riparimi i defekteve, dhe nga informacionet e fundit të OSHEE, ka të tjera zona që u është rikthyer energjia elektrike:

• Rajoni Tiranë: Plotësisht në zonën e Paskuqanit
• Rajoni Durrës: Në zonën e Zhabjakut
• Rajoni Berat: Pjesërisht në zonën e Potomit /Skrapar
• Rajoni Gjirokastrës: Në zonën e Janjarit/Sarandë
• Rajoni Fier: Plotësisht në zonën e Levan

Zonat  ku po punohet për rikthimin e energjisë

• Rajoni Tirane: Valias, Qerekë (pjesërisht), Tapizë
• Rajoni Durrës: Ballaj, Kruja pjesërisht dhe Borizanë
• Rajoni Elbasan: Pjesërisht Mollas /Cërrik
• Rajoni Gjirokastër: Pjesërisht Delvinë
• Rajoni Vlorë: Novoselë
• Rajoni Shkodër: Zona Koman, Velipojë pjesërisht

/Oranews.tv/