“Rithemelimi” zyrtarizon Premtim Kryemadhin si kandidat për 6 marsin në Dibër

Premtim Kryemadhi do të jetë kandidati i Komisionit të Rithemelimit të PD në zgjedhjet lokale të 6 marsit në Bashkinë e Dibrës.

Pas votimit në primaret e kësaj të diele, Kryemadhi mori 424 vota, Dafina Muda 121 vota, ndërsa Behar Dema 158 vota.

Në total, në këtë bashki votuan 713 persona, ku 10 vota u shpallën të pavlefshme.

“Ju premtoj demokratëve që nuk do të zhgënjehen me kandidaturën time. Ne do të bëjmë një punë të shkëlqyer që nga zgjedhja e stafit, i cili sot është për të ardhur keq. Të gjithë demokratët duhet të bëhen bashkë kundër këtij regjimi”, tha Kryemadhi.