Rrahja e të dënuarit, nis hetimi për policët

Një ditë pas ngjarjes në burgun e Fushë-Krujës, ku një i dënuar dyshohet se është dhunuar në ambientet e këtij institucioni të vuajtjes së dënimit, ka ardhur edhe reagimi nga institucionet.

Pas dyshimeve se Adriatik Lala është dhunuar nga punonjësit e policisë së burgjeve, SHKBB ka nisur hetimin ndaj tyre, me urdhër të Ministrisë së Drejtësisë.

Lajmi konfirmohet për “News24” nga Ministria e Drejtësisë, ndërkohë që për ngjarjen në burgun e Fushë-Krujës, reagoi edhe Komiteti i Helsinkit.

Ditën e djeshme u tha se Lala kishte hematoma në kokë dhe në trup, ndërkohë që hetimi do të hedhë dritë mbi ngjarjen.