Rrogë për bashkëshortet/ët si dhe fëmijët e ambasadorëve

Në buxhetin e vitit të ardhshëm do të zbatohet për herë të parë “Paketa e Diplomatit” e cila parashikon pagesa mujore për familjarët e diplomatëve.

Sipas buxhetit të ri pagesa do të ketë për bashkëshorten/in si dhe fëmijët e tyre. 100 milionë lekë të reja ka kërkuar Ministria e Jashtme si shtesë në fondin e saj për buxhetin e vitit 2017-ë.

Fondi vjen në kuadër të asaj që Ministria e Punëve të Jashtme e ka quajtur Paketa e Diplomatit, e cila aplikohet për herë të parë. Për bashkëshorten/in, pagesat do të jenë 450 euro në muaj në vendet ku pagesat bëhen në euro dhe 500 $ në muaj në vendet ku pagesat bëhen në dollarë. Pagesa do të ketë edhe për fëmijë. Për çdo fëmijë pagesa do të jetë 180 euro ose 200 dollarë.

Ndërkaq, për bashkëshortet e diplomatëve do të paguhet që nga janari i 2017-ës, kontributet për sigurimet shoqërore.

Pagesat për familjarët e diplomatëve

Në euro
Bashkëshortja/i – 450 euro në muaj

Për çdo fëmijë – nga 180 euro në muaj

Në dollarë
Bashkëshortja/i – 500 dollarë në muaj

Për çdo fëmijë – 200 dollarë në muaj

Vendimi i parashikuar në buxhetin 2017

1. Ne buxhetin e ri te vitit 2017 ne vijim te ligjit te ri per sherbimin e jashtem te miratuar para disa muajsh do te zbatohet per here te pare paketa e diplomatit qe parashikon:
Cdo diplomat qe sherben jashte, per bashkeshoritin/en dhe per cdo femije do te marrin 450€ per bashkeshortin dhe 180€ per cdo femije (ne vendet ku pagesa eshte me €) dhe 500$ per bashkeshortet dhe 200$ per femijet (ne vendet ku pagesat behen me $).
2. Kjo do te mundesohet fal nje shtese prej 1 miliard lek te vjetra ne buxhet te MPJ.
3. Per bashkeshortet e diplomateve do te paguhet qe nga janari 2017, kontributet per sigurimet shoqerore.
4. Këtë e përfitojnë te gjithë diplomatët që shërbejnë jashtë atdheut.