Sekuestrohen 96 kg kafe kontrabandë

Policia e Durrësit ka sekuestruar 96 kg kafe kokërr kontrabandë si dhe ka arrestuar një 39- vjeçar dhe ka shpallur në kërkim një tjetër.

Në pranga ka rënë Alfred Mikeli 39-vjeç, ndërsa 43-vjeçari më inicialet K.K është shpallur në kërkim.

Të dy këta persona në bashkëpunim me njëri-tjetrin kanë nxjerrë nga pika doganore në Portin e Durrësit, në mënyrë kontrabandë një sasi prej 96 kg kafe kokërr për të cilën paguhet akcizë, pa e deklaruar, e cila është sekuestruar në cilësinë e provës materiale.