Sekuestrohen drogë e armë në Lecce, 5 të arrestuar, mes tyre dhe shqiptarë

Policia italiane ka sekuestruar rreth 800 kilogramë marihuanë, një kallashnikov dhe 250 gramë heroinë në Lecce. Si pasojë janë arrestuar 5 persona, përfshirë këtu edhe shqiptarë, të cilët janë vënë në pranga në vende të ndryshme, ka bërë të ditur agjencia e lajmeve “Ansa”.

Dy shqiptarë u arrestuan, pasi në bagazhin e makinës së tyre u gjet rreth 70 kilogramë mariuanë dhe një kallashnikov.

Një shqiptar tjetër u vu në pranga pasi në kamionin që drejtonte u gjetën 130 kilogramë kanabis. Ndërsa shqiptari i katërt u arrestua për shkak se në makinën e tij u gjetën rreth 100 kilogramë kanabis.

Sakaq, personi i pestë nga Salento u arrestua në Rakale nën akuzën se po përpiqej të trafikonte 250 gramë heroinë.