Sfida me Çekinë, Duka mesazh para ndeshjes: Sonte duhet të fitojë futbolli!

Në prag të ndeshje kaq të rëndësishme të mbrëmjes së sotme mes Shqipërisë dhe Republikës Çeke, numri 1 i futbollit shqiptarë Armand Duka i ka bërë një letër publike, ekipit, trajnerit dhe të gjithë tifozëve shqiptarë, për këtë moment kaq të rëndësishëm në aspektin sportive të Shqipërisë.

Postimi i plotë: 

Sonte vazhdojmë rrugëtimin tonë në UEFA Nations League, ndaj Çekisë me të cilën jemi përballur shpesh në dy vitet e fundit dhe kemi përjetuar emocione të shumta.
Të gjithë presim një ndeshje të fortë dhe angazhimin maksimal të të gjithëve në fushën e blertë dhe në shkallët e stadiumit.
Sonte duhet të fitojë futbolli, nga momenti i këndimit të himneve e deri në vërshëllimën e arbitrit për të mbyllur ndeshjen. Le të tregojmë qytetari, maturi dhe atë që shqiptarët e kanë pasur gjithmonë, mikpritjen.
#fairplay #kombetarja #nationsleague