Sherr në Shkodër ndërsa kalonte ministri, policia shoqëron një qytetar. Ja çfarë ndodhi (Video)

Një incident ka ndodhur sot në Shkodër, pas të cilit një person  ka përfunduar në polici.

Ndërsa ministri i jashtëm Ditmir Bushati po kalonte në një trafik të rënduar, dy persona janë përfshirë në një sherr për çështje makinash.

Një tjetër ka filluar të shajë e bërtasë.

Theksohet se personat në fjalë nuk kanë pasur lidhje me ministrin Bushati, por se prania e tij ka bërë që forca të shumta policie të mbërrijnë menjëherë në vendin e ngjarjes.

Policia ka shoqëruar një prej personave të përfshirë në sherr, ndërsa Bushati ka vijuar më pas rrugën e tij.