Shkodër, qëllohet me armë zjarri në drejtim të një lokali

Të shtëna me armë zjarri në drejtim të një lokali janë raportuar mbrëmjen e së premtes në qytetin e Shkodrës.

Policia ka bërë të ditur se ngjarja ka ndodhur rreth orës 20:40, në lagjen “Skënderbeg”.

Sipas policisë, shtetasi me iniciale K. K., për motive të dobëta, ka qëlluar me armë zjarri në drejtim të një lokali “Bar-Kafe” në pronësi të shtetasit N. D. Për fat të mirë, nuk raportohen persona të lënduar.