Shpërthimi u bë me telekomandë,e shkuara e 27-vjeçarit që mbeti i vrarë në Tiranë

Aleksandër Sadikaj, 27-vjeçari që humbi jetën këtë të shtunë në Tiranë pasi automjeti me të cilin po udhëtonte shpërtheu me lëndë plasëse ishte nga Berati.

“News24” raporton se ai ishte proceduar më parë për tentativë vrasje.

Sipas informacioneve paraprake dyshohet se lënda eksplozive është shpërthyer me telekomandë.

Sadikaj udhëtonte i vetëm në Benz. Fillimisht i riu u dërgua në spital, por nuk mund t’iu mbijetojë plagëve të marra.

Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve.