Si do të jetë moti këtë fundjavë? Ja çfarë kanë parashikuar sinoptikanët

Sinoptikanët e Shërbimit Meteorologjik Ushtarak thonë se këtë fundjavë në vend do të ketë pjesërisht qarkullim të masave të paqendrueshme që do të sjellin mot me vranësira dhe kthjellime.

Që prej mesditës së të shtunës e deri mëngjesin e së dielës do të ketë reshje shiu në veri e lokalisht në qendër si dhe flokë dëbore në alpe.

Era do të fryjë nga juglindja e verilindja e lehtë e përkohësisht mesatare në bregdet duke u pasuar nga valëzim i forcës 2 dhe 3 ballë.