Sot Berisha dhe Meta mes protestuesve në orën 10.00, para parlamentit. A do ta nxisin turmën të futet te deputetët?

Berisha u përjashtua prapë nga e drejta për të qenë në sallën e parlamentit. E dyta herë brenda një muaji. Në fakt nuk ka ndodhur asnjëherë në 32 vite që udhëheqësi i opozitës të mos lejohet të hyjë në sallën e parlamentit, ku ka të drejtë të flasë.

Tashmë njoftimi i Berishës dhe Metës se këtë të enjte do të rrethojnë Kuvendin është realitet dhe duket që nga mijëra forca policie të cilat kanë rrethuar sallën e parlamentit, ku mendohet të vijë pas disa javëve edhe kryeministri Rama.

Ndërkohë protestuesit do të jenë në ora 10.00 te selia ku mblidhen deputetët (afër Xhamisë së Re). Nuk dihet saktësisht skenari i opozitës sot, por Berisha ka paralajmëruar se populli ka të drejtë të hyjë në parlament, ku pushteti bëhet njësh me mafien.