Sot nis viti i ri Akademik. Suksese stundentë!

Sot ka nisur viti i ri akademik 2017-2018 për shumë studentë në të gjithë Shqipërinë. Zakonisht rreth orës 09:00 zhvillohet një ceremoni mikpritjeje për studentët në të gjithë universitetet në vend.

Ky vit i ri akademik nis sot dhe përfundon më 30 shtator 2018, sipas urdhrit të lëshuar nga ministrja e Arsimit, Lindita Nikolla. Ndërsa periudha 25 dhjetor deri në 5 janar do të jetë periudhë pushimesh për të gjithë studentët.

Por jo gjithçka ka mbaruar, sepse universitete si ai i Histori-Filologjisë ka ende kuota bosh dhe deri në datën 20 tetor të këtij viti u jep mundësi studentëve për të aplikuar. Kështu ky universitet ofron 1030 kuota për programet e nivelit të dytë master profesional dhe shkencor.

Ne s’na mbetet gjë tjetër veçse t’u urojmë të gjithë studentëve suksese në këtë cikël të ri të jetës së tyre.