Tiranë, zjarri në një pallat i shkakton vdekjen 55 vjeçarit

Një person ka gjetur vdekjen mbrëmjen e sotme si pasojë e një zjarri që ra në një apartament pranë urës së “Tabakëve” në Tiranë.

Viktima është një 55 vjeçar, i cili u asfiksua si pasojë e rënies së zjarrit në katin e tretë të një pallati. Viktima është gjetur i shkrumbuar në banesë.

Policia ende nuk ka dhënë sqarime zyrtare për rastin, ndërsa forcat zjarrfikëse kanë shkuar në vendin e ngjarjes.