U largua për 10 ditë nga shtëpia, deklarata e 18-vjeçares çudit familjarët

Prej 10 ditësh ishte larguar nga shtëpia.

Më në fund Policia e Durrësit ka arritur ta gjejë dhe të dorëzojë tek familjarët një vajzë të re.

18-vjeçarja me inicialet E. R., banuese në Ishëm, ishte denoncuar si e larguar nga shtëpia që në datë 14 nëntor.

Ditën e premte, policia ka mundur të lokalizojë vendndodhjen e saj.

Por deklarata e saj në polici ka habitur familjarët, që e kishin denoncuar të zhdukur prej ditësh.

Para efektivëve të rendit, vajza e re ka pranuar se ishte larguar nga shtëpia me dëshirën e saj.