U vodhën 4 mijë euro në teatër, habit financierja: Lekët ishin të miat

Ka marrë një kthesë të pazakontë ngjarja në teatrin Skampa në Elbasan.

Si duket shuma e vjedhur prej 4 mijë eurosh nuk ishin nga shitja e biletave të teatrit por ishin të financieres.

Mësohet se ajo është shprehur në polici së shumën ia kishte dërguar ditën e djeshme i vëllai nga Gjermania dhe i kishte lënë në kasafortë për siguri, pasi bankat ishin mbyllur në fundjavë.

Financierja ka deklaruar të ardhurat e teatrit nga biletat nuk mbahen në kasafortë, por dërgohen menjëherë në bankë.

Grupi hetimor ka sekuestruar pamjet e kamerave të sigurisë së bizneseve pranë teatrit për të zbardhur autorët. /albeu.com/