Vodhën bizhu floriri dhe euro në një banesë, arrestohen adoleshentët

Dy të mitur kanë rënë në prangat e policisë së Shkodrës si autorë të dyshuar për vjedhjen e një banese. Unifrmat blu kanë arrestuar shtetasit, K.G. 14 vjeç dhe M.K. 15 vjeç.

Arrestimi i adoleshentëve u bë pasi dyshohet se në datë 26.11.2016, kanë kryer vjedhje në bashkëpunim me njëri-tjetrin, në banesën e shtetasit GJ.T. 31 vjeç, banues në Shkodër, ku kanë marrë 2 varëse floriri, 1 unazë floriri dhe një shumë prej 1100 euro.

Në cilësinë e provës materiale u sekuestrua njëra nga varëset e floririt, e cila iu gjet shtetasit K.G.

Materialet proçeduriale iu referuan Prokurorisë së Rrethit Gjyqësor Shkodër, për veprën penale “Vjedhja, në bashkëpunim”.