Vrasja e ambasadorit rus/Reagon Putin: Provokim i pastër, Turqia nuk ka gisht
Presidenti rus, Vladimir Putin, ka mbajtur një konferencë të jashtëzakonshme pas vrasjes së ambasadorit rus në Turqi. Ai ka thënë se vrasja e tij, është një provokim i pastër. Putin thotë se kjo vrasje kërkon të dëmtojë procesin e paqes në Siri. “Dua të shpreh ngushëllimet e mia për familjen e ambasadorit. Ne kemi shumë pyetje dhe duhet t’u përgjigjemi një nga një. Kush e vrau dhe kush dha urdhër për këtë”, tha Putin.
“Ajo që mund të them tani është se vrasja e ambasadorit është një provokim i pastër për të dëmtuar procesin e paqes në Siri, të promovuar nga Rusia, Turqia dhe Irani ”, shtoi Putin. Me këtë fjali, ai ka përjashtuar kështu faktin se Turqia ka gisht ne vrasjen e Andrei Karlov. Por, fjalia e mësipërme mund të ketë nënkuptime për SHBA-të, duke qenë se Rusia, Turqia dhe qeveria siriane, janë përballë SHBA-së dhe vendeve të NATO-s për çështjen “siriane”.
KOHA JONË SONDAZH
