Vrasja e Kastriot Reçit, ADN-ja shpëton ish-oficerin e RENEA-s

Remal Rada nuk ka lidhje me ekzekutimin mafioz të Kastriot Reçit, vrarë në janar 2020 me snajper. Mbasi ka krahasuar ADN-ja e përftuar nga pështyma e ish-oficerit të policisë së RENEA-s, laboratori i policisë së shtetit konfirmoi se nuk ka asnjë përputhje me të dhënat e përftuara në skenën e krimit dhe ne banesën prej nga ku u qëllua Reçi.

Këto të dhëna do të administrohen nga prokuroria e Lezhës, e cila nuk ka ende një autor për vrasjen e kryer ne Rrëshen.

Remal Rada, u arrestua më 26 korrik, bashkë me 28-vjeçarin Elton Hithi, ndërsa në makinë ju gjet edhe një snajper, i modifikuar për qitje në distancë deri në 2 mijë metra. Ai u largua nga puna tek RENEA në pranverën e këtij viti, ndërsa nuk kishte shumë që ishte kthyer nga Anglia.