Zagani: Tahiri me Habilajt, një shpirt binjak. Më shpalli në kërkim ndërkombëtar pa vendim gjykate

Ish-oficeri i policisë Dritan Zagani në një lidhje me Skype në “360 Gradë” nga Artur Zheji në Ora News, thotë se ka denoncuar me dokumente në polici trafikun e drogës së vëllezërve Habilaj, duke theksuar se ata kanë trafikuar drogë që prej vitit 1998.

Basha: Gjatë kohës që ke qenë në polici ke dhënë një informacion me shkrim për Habilajt. E ke çuar këtë informacion me shkrim?

Zagani: I them zonjës Basha që unë vëllezërit Habilaj i kam marrë kontingjent të policisë si elementë që trafikojnë drogë që në kohën kur Basha nuk njihej si gazetare. Po nuk të pëlqyen shko në shtëpi.

Basha: Informacion me shkrim ke bërë? Po apo jo? Dokument për policinë.

Zagani: Po! Sekretin profesional nuk e kam gazeta bombë. Është sekret profesional dhe ia them prokurorit. Tahiri me Habilajt ka qenë një shpirt binjak për sa i përket pisllëkut të Habilajve. Ai ishte kokë e këmbë në aktivitetin e tyre kriminal. Ai makinën ua linte në përdorim edhe përpara.

Karaj: Fakti që Prokuroria e Krimeve të Rënda nuk ka marrë asnjë deklaratë nga ju. Ju duket normale?

Zagani: Nuk e gjykoj dot Prokurorinë në punën e saj. Prokuroria ka bërë një hetim fals me dokumente pa bazë kundër meje.

Gjokutaj: Jeni pyetur ju ndonjëherë nga Prokuroria e Krimeve të Rënda.

Zagani: Prokuroria e Krimeve të Rënda me një far prokurori Anton Martini që më ka mbajtur 6 muajt dhe 8 ditë në burg, nuk më ka mbajtur brenda.

Gjokutaj: Për çfarë akuzoheshit ju?

Zagani: Për shpërdorim detyre dhe mos kallëzim krimi.

Gjokutaj: Dhe gjykoheshit nga Krimet e Rënda?

Zagani: E kuptoni çfarë absurdi.

Gjokutaj: Është zhvilluar hetim në mos kompetencë sepse është kompetencë e prokurorisë së rrethit. Kjo do të thotë se arresti është i paligjshëm. Ky është mbajtur në arrest nga një prokurori që nuk e ka në kompetencë dhe ma ha mendja se lirimi i tij është bërë në skadim të afateve. Këtu ka edhe një shkelje tjetër ligjore.

Ish-oficeri i policisë Dritan Zagani në një lidhje me Skype në “360 Gradë” nga Artur Zheji në Ora News, sqaron se është shpallur në kërkim ndërkombëtar nga Saimir Tahiri pa qenë i dënuar nga Gjykata.

Zagani: Do ti sqaroj diçka zonjës Basha. Që një shtetas shqiptar të dalë në kërkim ndërkombëtar duhet vendimi i gjykatës. Dhe kur Tahiri më ka vendos në këkrim ndërkombëtar nuk isha as në kërkim, jo më i dënuar. Unë në shtetin zviceran gëzoj mbrojtje të plotë.

Unë përgjigjem për informacionet e mia. Tahiri dhe Habilaj ishin 1 në pisllëqet e Habilajve. Nuk e gjykoj dot prokurorinë, ama Prokurorinë e Krimeve të Rënda e kam gjykuar, sepse ka bërë një hetim false dha pa asnjë provë kundër meje.