Zjarri në pallatin në Tiranë, Gjykata liron katër të arrestuarit

Gjykata penale e Tiranë ka caktuar masat e sigurimit detyrim paraqitje për 4 të arrestuarit për zjarrin e rënë te pallati 12-katësh pranë QSUT.

Togat e zeza vendosën lirimin nga qelia të Razie Sula, Agron Cara, Enver Ademi dhe Altin Furtuna, të cilët do të hetohen në gjendje të lirë. Sipas vendimit të gjykatës, të dyshuarit do të duhet të paraqiten rregullisht pranë autoriteteve, ndërsa hetimet për zbardhjen e plotë të shkaqeve dhe rrethanave të zjarrit vijojnë.