10 të vdekur nga ortekët në Austri dhe Zvicër

10 persona kanë vdekur si pasojë e disa ortekëve në malet austriake dhe ato zvicerane përgjatë fundjavës. Turistë nga Zelanda e Re, Kina dhe Gjermania, kanë qenë në mesin e të vdekurve në disa qendra skijimi.

Autoritetet austriake kanë aktivizuar nivelin e katërt të ortekëve, i dyti për nga rreziku, pas reshjeve intensive dhe erës në disa zona.

Niveli i katërt i alarmit në Austri nënkupton se “mund të krijohen ortekë shumë të mëdhenj”.

Skiatorët pa përvojë këshillohen që të qëndrojnë në ambiente të hapura, ndërsa skiatorët me përvojë të qëndrojnë larg terreneve shumë të pjerrëta.

Pavarësisht paralajmërimeve, qendrat e skijimit në perëndim të Austrisë janë të mbushura, për shkak të pushimeve dimërore në shkollat e Vjenës.