Në Europë numri i të vdekurëve nga Covid-19, ka tejkaluar këtë të diel shifrën 100 mijë, ndërsa në total në rang global, janë 162 mijë e 45 të vdekur. Virusi ka prekur 2 milionë e 361 mijë e 482 persona në mbarë botën, 607 mijë e 342 prej tyre kanë arritur të shërohen.
Italia, vatra e nxehtë e pandemisë së Covid-19 në Europë, të hënën, hyri në javën e saj të 7-të të mbylljes. Zyrtarët e mbrojtjes civile përditësuan të dhënat e personave të prekur me Covid-19 dhe atyre të fatkeqësisht kanë humbur betejën e tyre me sëmundjen infektive gjatë 24 orëve të fundit. Situata në vendin fqinj duket se po shkon drejt një përmirësimit.
Spanja, një tjetër zonë e nxehtë e COVID-19 në Evropë, ka regjistruar gjatë 24 orëve të fundit, numrin më të ulët të viktimave, shifër që nuk ishte parë që nga data 22 marsi, kur nisi edhe shpërthimi i pandemisë. Autoritetet shëndetësore në vend raportuan këtë të diel për 410 viktima, në krahasim me 565 të një dite më parë.
