24 vjeçarja seksi zv.Ministre e Brendshme, emërimi hap debat të madh

Bota E Enjte, 6 Maj 2021 15:19

Stuhitë politike nuk janë një gjë e re në Ukrainë, por ndryshe nga zakonisht zhvillimet e reja kanë lidhje me një vajzë të re, e cila ka marrë një post të lartë në polici. Anastasia Deyeva, 24 vjeçe, është emëruar zv.ministre e Brendshme, një gjë e paprecedentë për moshën e saj. Shumë ukrainas mendojnë se ajo nuk ka kualifikimin e duhur për këtë pozicion.

“Nuk ka asgjë të keqe që një femër të jetë këshilltare, sidomos nëse ajo është e bukur dhe e zgjuar”, komenton një qytetar në Facebook. “Por është shumë e gabuar nëse ajo është shumë e re dhe pa eksperiencë. Ose ka eksperiencën e gabuar.”

Emërimi i Deyeva ka hapur debat të madh, bashkë dhe me emërimin e një tjetër vajze, Anna Kalynchuk, 23 vjeçe, në krye të departamentit anti-korrupsion.

Në një intervistë për mediat lokale, ajo tha se ka eksperiencën e duhur për këtë punë. Ajo ka punuar më parë si ndihmëse e një deputeti. Por, emërimi i saj si zv.ministre duke u bërë personi më i ri që mban këtë post, ka sjellë sulme ndaj saj. “E dija që do të kishte kritika, por nuk prisja kurrë kaq sulme të ndyra”, u shpreh Deyeva.