Assad: Fitorja në Alepo, hap i madh drejt fundit të luftës civile

Presidenti sirian Bashar al-Assad ka thënë se një fitore për ushtrinë e tij në Alepo do të ishte një “hap i madh” duke i dhënë fund luftës civile pesë-vjeçare, shkruan BBC.

Por ai shtoi se mposhtja e grupeve rebele në qytetin verior nuk do të përfundonte konfliktin.

Ai tha se shanset për armëpushim “praktikisht nuk ekzsitojnë në këtë moment. “Amerikanët, sidomos, insistojnë në armëpushim, sepse agjentët e tyre terroristë janë tani në situatë të vështirë”, tha Assad.

Ai e përshkroi Alepon si “shpresën e fundit” të rebelëve dhe mbështetësve të tyre, pas “dështimeve në betejat në Damsak dhe Homs”.

Derisa grupet rebele dhe fuqitë perëndimore  Shtetet e Bashkuara, Britania, Gjermania, Italia, Franca dhe Kanadaja  përsëritën thirrjet për armëpushim në Alepo, duke paralajmëruar për katastrofë humanitare atje, Damasku dhe Moska insistuan që rebelët të pajtohen për të lënë qytetin.