Atentat mafioz në Selanik/ Vritet 41-vjeçari, autorët dy burra dhe një grua

Një 41-vjeçar i cili u qëllua për vdekje në mes të rrugës në Stavroupoli të Selanikut mesditën e së shtunës. Ai u qëllua nga një automjet që kalonte në rrugën Vassili Tsitsani në Stavroupoli. Autorët e atentatit, dy burra dhe një grua, udhëtonin në një mjet tip Renault, pa targa.

Më pas, njëri prej personave qëlloi të paktën tre herë mbi 41-vjeçarin, i cili ishte në motoçikletë dhe sapo kishte hequr kaskën. Më pas viktima ka zbritur nga motomjeti, ka ecur disa metra dhe është rrëzuar i vdekur në rrugë.

Viktima kishte pasur më herët probleme me drejtësinë dhe po hetohet për identifikimin e autorëve.